امهات كتير مش عارفة تعمل ايه في رمضان ياترى تصوم ولا تفطر؟
عندهم مخاوف وتساؤلات كتير عن الصيام وتاثيره على الطفل واللبن؟
الحقيقة ان الحقائق العلمية بتقول ان الصيام لا يؤثر على مكونات اللبن وده موجود في ابحاث كتير اتعلمت على الصيام والرضاعة الطبيعية. ولكن منقدرش نعمم القاعدة على كل الامهات واطفالهم لان كل حالة خاصة لوحدها بظروفها واحوالها المختلفة عن الاخرين, وعشان كده ربنا رخص للامهات المرضعات او الحوامل انها تفطر في حالة خوفها على طفلها او على نفسها.
اعمل ايه عشان اقدر اصوم؟
اولا الفطار
- الرسول عليه افضل الصلاة والسلام وصانا بتعجيل الفطر وتاخير السحور. وقد صدق نبي الحق لان دي اول نصيحة بنقولها للامهات الي عايزة تصوم.
- اولا حاولي تفطري على طول ويفضل لو تفطري على لبن وتمر,
- بعدهم ممكن نبدا بالشوربة لتهيئة المعدة لاستقبال الطعام.
- وبعدين نكمل باقي الفطار متنسيش انك محتاجة تنويع في وجبة الفطار ما بين المجموعات الغذائية المختلفة زي الخضار والبروتين والنشويات
ثانيا ما بين الفطار والسحور
- في الفترة دي حاولي تشربي ميه وعصاير تقريبا ما بين 3 الى 3 ونص لتر متوزعين على المشروبات المختلفة, من افضلهم التمر والخروب وقمر الدين والعرقسوس عشان الالياف والترطيب
- تجنبي المخللات والمكسرات المالحة والتوابل والبهارات لانها بتزود احساسك بالعطش
- انا عارفة ان كلنا مستنين رمضان عشان الكنافة والحلويات ومش هقدر اقولك امنعي بس قللي منهم لانهم بيزودوا احساس العطش
- ومن الحاجات طبعا المفضل تناولها في الفترة دي هي الفواكه طبعا خصوصا البطيخ والعنب
ثالثا فترة السحور
- اخريها على قد ما تقدري واهتمي برضو بالتنويع الغذائي فيها
- متنسيش الخيار مفيد جدا كله الياف بتساعد الهضم وكمان الترطيب
- كوباية عصير وياريت تمر باللبن تديكي طاقة عشان تاني يوم
- انا عارفة ان الموضوع مرهق للامهات كتير لكن متنسيش ان الجنة تحت اقدام الامهات وده محتاج صبر
- اغلبية الامهات بتكون خايفة من المجهود والعطش والحر حاولي تمشي على الكلام الي قلناه
ودي شوية نصايح تساعدك كمان
- لو عندك شغل في البيت او تنظيف اوي اي حاجة محتاجة بذل مجهود اجليها لبعد الفطار
- لو طفلك كبير اكبر من ست شهور وانتي بتديتي تدخلي اكل ممكن تخليه الوجبات الي بتديها فترة الصيام ومعاها عدد قليل من الرضعات
- وخلي العدد الاكبر من الرضعات بعد الفطار
- وممكن كمان تشفطي اللبن بعد الفطار وتخليه تحتفظي بيه وتديهوله بالنهار وقت الصيام
- في اي وقت حسيتي انك تعبانة او دايخة او سكرك قل او مش قادرة تكملي لاي سبب افطري
- لو خفتي على ابنك او حسيتي ان لبنك قل او وزنه قل او بيعيط كتير وبيزن لانه مش شعبان افطري
- وعشان كده نصحيتي ليكي انك تجربي اول يومين في الصيام والرضاعة الطبيعية وتمشي على الروتين الي قولنا عليه وتشوفي طفلك اخباره ايه وتتابعي لو الدنيا كويسة كملي حسيتي انك مش هتقدري خلاص
ومتنسيش ان ربنا اداكي رخصة للفطر والاهم من كده …..ان الله يحب ان تؤتى رخصه …..ان ارضعيه
#الرضاعة الطبيعية-هي-الفطرة
د. نورهان حسين
